Wednesday, May 12, 2010

ბალეტი




ბალეტი

ბალეტი ცეკვის ერთ-ერთი სახეობაა რომელიც თეატრის მაყურებლისთვის სრულდება. როგორც სხვა ცეკვები, ბალეტიც მოგვითხრობს ისტორიას, გამოხატავს გუნებას ან უბრალოდ გამოხატავს მუსიკას. თუმცა ბალეტის ცეკვის ტექნიკა (ფორმა რომელითაც იგი სრულდება) დიდად განსხვავდება სხვა ცეკვებისაგან. ბალერინები ბევრ ისეთ სხეულის მოძრაობას ასრულებენ რომელიც არაბუნებრივია. მაგრამ როდესაც ეს მოძრაობები კარგად სრულდება ისინი ბუნებრივად გამოიყურება.

ბალერინები უარყოფენ ცეკვის მძიმე ტექნიკას და ტივტივებენ ჰაერში დიდხანს, ნელა, ნახომებით. ისინი ბალანსს ინარჩუნებენ იმ დროს როდესაც ტვიალებენ ბრზიალა სათამაშოსავით და თავბრუ არ ეხვევათ. ნაბიჯების დროს, ფეხები ისე სწრაფად მოძრაობს რომ თვალის დევნება რთულია. ქალები ფეხის წვერებით ცეკვავენ, მამაკაცები კი მათ ხელში იყვანენ და მაღლა ისე სწევენ თითქოს ბუმბულივით მსუბუქები ყოფილიყვნენ.

ბალერინები დიდ სიამოვნებას იღებენ ბალანსის კონტროლირებით და ამ გრძნობებს მაყურებელსაც უნაწილებენ. მაყურებლებს ისეთი გრძნობა ეუფლებათ, თითქოს ბრზიალებენ მოცეკვავეებთან ერთად. სხეულის უბრალო მოძრაობით მოცეკვავეები გამოხატავენ ისეთ ემოციებს როგორიცაა: ბრაზი, შიში, ეჭვიანობა, სიხარული და სინანული. ბალერინების სხეულის ხაზი ლამაზი და ჰარმონიულია დიზაინით. ბალეტის ტექნიკას კლასიკური ჰქვია, რადგან იგი ხაზს უსვამს უმანკოსა და ჰარმონიულ დიზაინს.


მოცეკვავეები და მათი მეცადინეობები



მოცეკვავე შეძლებს ბალეტის რთული ნაბიჯების შესრულებას მხოლოს მრავალი წლის მეცადინეობის შემდეგ. ბალეტის გაკვეთილების დაწყება მსურველს შეუძლია 8-10 ასაკიდან. ის ვინც ბალეტზე სერიოზულად ფიქრობს და გადაწყვეტილი აქვს ბალერინის კარიერა კვირაში 3-დან 6 დღე მეცადინეობს 12 წლის ასაკში. მოცეკვავეების უმრავლესობა პროფესიანალი ხდება 20 წლის ასაკში და პენსიაზე გადის 45 წლის ასაკში. სახში მეცადინეობა ძალიან ძნელია ამიტომ მოცეკვავეები დადიად სპეციალურ სტუდაში. მეცადინეობას უნდა დარბაზის სივრცე, ხოლო როიალი კარგი დამხმარე იქნებოდა.

პროფესიონალი ბალერინებიც კი ვარჯიშობენ ყოველ დღიურად რათა საუკეთესო ფორმაში იყვნენ. სპეკტაკლის დროს მათ არანაირი დაძაბვა არ უნდა დაეტყოთ და მთლიანად უნდა იყვნენ შთანთქმული თავიანთ დრამატიკულ როლში ან მუსიკაში. მაყურებელმა მხოლოდ სილამაზე და გამოხატულობა უნდა შეამჩნიოს და არა ტექნიკური სირთულე.


იდეალური ბალერინა.


სასურველი ფიზიკური მოთხოვნა ბალეტის მოცეკვავისთვის არის: გრძელი ხელები და ფეხები, გრძელი კისერი და შედარებით მოკლე ტანი. იდეალური ტანი ბალერინასთვის არის მოქნილი, გამხდარი და ძლიერი. მოცეკვავეებს არ შეუძლიათ შეიცვალონ ტანის პროპორციები, მაგრამ მათ შეუძლიათ გამოიმუშაონ ფიზიკური მონაცემები. ყველა დიდმა ბალერინამ დაიწყო არა სასურველი მონაცემებით.
ასევე იდეალურ ბალერინას უნდა ჰქონდეს რიტმის გრძნობა და მთლიანად უნდა შეიგრძნობდეს მუსიკას. მას უნდა უყვარდეს ბალეტი და მთლიანად უნდა მიუძღვნას თავი მას. სხვა შემთხვევაში ისინი ვერ შეასრულებენ ლამაზ მოძრაობებს...

Saturday, May 8, 2010

ქევანა




წრეზე

წრეში,
რომელსაც ტომარასავით მოუკრა თავი ბოლო წელმა,
ვდგავართ მე და შენ.
ვდგავართ მე და შენ.
მომემუცლე,
მომემუხლე,
მომეშუბლე,
მეხელისგულე.
ცოტაა სივრცე:
ოთხად მოკეცილ გაზეთზე ტანგო
ისე უნდა ვიმეცადინოთ,
წრეს არ გადავცდეთ მილიმეტრებით.
მრავალწლიანი ელექტრო შოკი:
ენის წვერების დიალოგი
ახლა გვიშენებს დამცავ მავთულხლართს -
ზღაპარში ვინმე ფეთიანი არ გადმობობღდეს,
ალაყაფის ღრიჭოებმა ქარიშხალი არ შემოაპაროს.
დროგამოშვებით ვდგავართ ზურგებით,
ეს დაკვირვების რიტუალია,
მთის წვერზე ცეცხლი რომ ავანთეთ,
ისევ თუ ბოლავს.
დღეს – ეს წრე გვყოფნის
როცა მუცელი წამომეზრდება,
ცარცით ნელ-ნელა გავაფართოვებთ.

Friday, May 7, 2010

I love lilacs




იასამანი ჩემი საყვარელი ყვავილია.
მომწონს მისი ფერი, ფორმა და სურნელი.
ჩემში სინაზის ასოციაციას ტოვებს.

ჩემმა მეგობარმა ვიკიპედიამ მითხრა, რომ იასამანი სიყვარული სიმბოლოა ყვავილთა ენაში.
ჩრდილოეთ ამერიკაში ყველაზე დიდ ხანს იასამნის ფესტივალი გრძელდება, რომელიც როჩესტერში ნიუ იორკში ტარდება ყოველ წელს.
არსებობს ვარდისფერი იასამანი, თეთრი, თუმცა ყველაზე ხშირი მაინც იასამნისფერია :)

tango



ტანგო ჩამოყალიბდა ბუენოს აირესში, არგენტინა და მონტევიდეოში, ურუგვაი. ევროპელი ემიგრანტების, ძირითადად იტალიელი, ფრანგი და ესპანელი ხალხის კულტურისა და ტემპერამენტის შერწყმით. თავიდან ეს ცეკვა ეგრეთ წოდებული "ბინძური ცეკვების" ნუსხაში შედიოდა და ამიტომაც იგი მიღებელი იყო საზოგადოების მაღალი ფენებისთვის და დიდებული ევროპისთვის,მაგრამ ამ ცეკვამ მალე მოხიბლა ხალხი, მისი პოპულარობა თანდათან იზრდებოდა სანამ მთელს მსოფლიოს არ მოედო.
თავიდან არსებობდა მხოლოდ ტანგო ქრიოლო ანუ უბრალოდ ტანგო,შემდგომში იგი დაიხვეწა, განვითარდა და დღეისთვის მისი მრავალი სტილია ცნობილი: 


Tango Argentino
Tango Oriental (uruguayo)
Tango Canyengue
Tango Liso
Tango Salon
Tango Orillero
Tango Milonguero (Tango Apilado)
Tango Nuevo (New Tango)
Show Tango (also known as Fantasia)
Ballroom Tango
Finnish Tango

მე-19 საუკუნის დასაწყისში, ტანგო იყო სოლო ცეკვა, რომელსაც ქალი ასრულებდა. ცეკვა ამორალურად მიიჩნიეს მისი ფლირტული მელოდიის გამო.

როგორც ყვებიან ტანგო მოდის არგენტინელი გაუჩოებისგან. მათ ეცვათ კოვბოის ტყავის შარვალი, რომელიც გამაგრებული იყო ცხენების დორბლითა და ოფლით. გაუჩოები დადიოდნენ მოღუნული მუხლებით. ისინი ღამით შედიოდნენ ხალხით გადატენილ კლუბებში და საცეკვაოდ იწვევდნენ ადგილობრივ გოგონებს. იმის გამო, რომ გაუჩოები არ იყვნენ დაბანილები, გოგონები ცეკვისას თავს უკან წევდნენ. გოგონას ხელი დაბლა ეჭირა მამაკაცის ჯიბესთან ახლოს - საფასური მასთან ცეკვისთვის. კავი მოღუნული სხეულით ცეკვავდა იმის გამო რომ ადგილი პატარა იყო. კლუბი მრგვალი მაგიდებით იყო სავსე, ამიტომ კაცს მათ გარშემო და მათ შუა უწევდა ცეკვა.

ტანგოს ამერიკული ვერსია იმ კრიტერიუმებისაგან შედგება რომლისგანაც ყველა კარგი ცეკვა ფასდება: 1. მუსიკა ცეკვის შესაფერისი უნდა იყოს. 2. ის უნდა შეიცავდეს იმ ძირითად ელემენტებს, რომლითაც იგი განსხვავდება სხვა ცეკვებისგან. 3. მისი შესრულება კომფორტული და სასიამოვნო უნდა იყოს.

ცეკვის საჩვენებლად, ტანგოს მოცეკვავემ უნდა დაამყაროს მტკიცე კავშირი მუსიკასთან, ცეკვასა და აუდიტორიასთან. მაყურებელი იგრძნობს ამ კავშირს თუ შემსრულებელიც ნამდვილად გრძნობს ამას. ეს არის როცა შენი და შენი პარტნიორის სიამოვნებისთვის ცეკვავ.

ხვიარა



ჰირან!

ოვვა იალა!
დილა იწყება კვნესით..
რა უცნაური სიყვარული სცოდნიათ აღმოსავლეთში,
ფიქრის ღრუბლებით მოქუფრული,
ყოველ გამოხედვას ფერი აქვს წვიმის და წვიმა კი არ ჩანს..
ეს სამეფოა განწირული ემბრიონების..
ოვვა იალა!

მინარეთებზე შემომჯდარი პატიოსნება
ხარბად ეტანება ამერიკულ წყურვილს..
რა უცნაური ფიქრი სცოდნიათ აღმოსავლეთში,
თითქოს აქ მხოლოდ ცაა წყნარი, მზეა ღიმილის,
მაგრამ სულ მიწას ჩასჩერებიან ტირიფებივით
და ბავშვი, ცრემლით ხელ-პირს რომ იბანს განთიადისას,
ოცნებობს მხოლოდ ავტომატზე, ბევრი ტყვიებით..
და აქ თოჯინებს მიუჩინეს რა ხანია მყუდრო ადგილი,
ცეცხლის ზვინებში, მიწის ღრმულებში..
ჰირან! ოვვა იალა!
გაკივლებული ვნებებით
და მზის ჩასვლისას მიძინებული ანგელოსებით..
აქ ყოველ წამს სჭედავენ თვალების ამბოხს,
თქრიალით ღვრიან საკუთარ სისხლს გასამრავლებლად,
სერავენ ღურბლებს წვეტიანი მზერის ისრებით
და არც ელიან ცისგან შვებას..

ოვვა იალა!
დღე სრულდება კვნესით დაღლილი ქალებით
და ბავშვები ტალახებში იბანენ ფეხებს..
ჰირან! ოვვა იალა!
დაწნეხილი ოცნებებით გაზიპულ თმებსაც
ხშირად ეტყობათ წუხანდელი ნაოცნებარი ამერიკაზე..
ეს სამყაროა დაჩეხილი ემბრიონების,
და გამოჭვარტლულ თვალის გუგებს დანით ხეთქავენ,
რომ აღარასდროს დაინახონ ბავშვების ომი
და მინარეთზე შემომდგარი მოლა მძინარე..
ოვვა იალა! ჰირან! ოვვა იალა!
რა უცნაური სიყვარული სცოდნიათ აღმოსავლეთში..
გაყვითლებული კოცნებით და რაჰათლუჰუმით..
და სიტკბო აღწევს მხოლოდ პირის გამოქვაბულში,
იმის იქით კი მთები მწარედ იგრიხებიან..
ჰირან! ოვვა იალა!
ოვვა იალა, ჰირან! არ ჩაგეძინოს!

ა ლ ე ქ ს ა


მოდი, სხეულში შემიძვერი...

შემომახიე თეთრი ნაჭერი.
შემომახვიე შენი თმები.
შემომეხვიე, როგორც ჰაერი.
შემოხვალ? შემო, ხვალ მაინც.

სასოწარკვეთილი მდუმარება....
იძულებითი ყოფნა ოთახში...
და მთა, სადაც მზე ცხოვრობს...

სიხარულის ცეკვა მარტოობის ცრემლებთან,
მოგაგონებს წუთებს, როცა ერთმანეთს ვკოცნით,
ერთმანეთს ვხედავდავთ ერთმანეთში...

ზარები ტელეფონის ჰგავს შენს ხმას ამოუღებელს...
დუმილი კი ერთადერთია, რაც შენს სურათს შეუძლია...

ოცნება ჩვენი მოვა, გვაკოცებს
და გაიოცებს ჩვენს სევდას...
ერთადერთი ხარ, თრთი, როცა იღლები,
როგორც სხივი მზის მთვარესთან...

გგონია, მე არ ვარსებობ?
ან ვარ სადღაც შორს.
შენთან ახლოს ვარ ყოველთვის.
თოკი, რომელიც ჩამომიგდეს სხვა პლანეტიდან, დავწვი.
დავწვეთ ერთად სადმე ზღვის სანაპირპოზე
და ვუმღეროთ ჩვენს შვილებს,
ისინი დაიბადებიან, რომ შენ გატკინონ და იტირონ.

დავიღალე.
მოდი, იცეკვე ჩემს ზურგზე.
ან თუ გინდა დავპატარავდეთ
და ვიცხოვროთ ასანთის ყუთში, ჭიამაისთან ერთად.
მოგვწყინდეს მხოლოდ სხვისი თითები.

ისეთი მთვრალი არ მინდა მნახო, რომ შეგზიზღდე...
ხომ გიყვარს ჩემი თვალები?
დაითვალე სამამდე... არ მოვედი?
დაითვალე ათამდე... არ მოვედი?
მაგრამ ხომ მოვალ და...
ერთად დავითვლით წლებს ჩვენი ბედნიერების...
ერთად ვივლით დედამიწაზე სიმშვიდის საძებნელად...

შიში შენი დაკარგვის ძლიერია.
გვიან არ არის არასოდეს.
თუ გიყვარს...
თუ გინდა...
თუ...

ხედავ? ვენები გადავიჭერი.
მოდი და სხეულში შემიძვერი.

იორიკი


           ნაყინი

ნუ მე-თანაცხოვრები რა

ნუ მე-სხეულები

ნუ მემეორენახევრები...

და ნუ მე

ნუ მემეები რა!
ცოტა დიდივით იფიქრე
და დიდივით მოიქეცი.
რა თვალებ ჩახატული მოდიხარ შეხვედრაზე
და რა ტუჩებდაბერილი?
რა დროს შენი ეგეთებია და რაღადროს ჩემი ეგეთებია?
ან მოიქეცი ის როგორც შენი ტოლი გოგოები იქცევიან,
სარკის წინ რო ტრიალებ საათნახევარი
ჯობია შეხვედრაზე არ დააგვიანო,
რო დამაყუდებ და მალოდინებ
და მეც ნერვებს რო მაშლევინებ
რა პაემანივით ვდგავარ ამხელა კაცი
და რა პატარა ბიჭივით ვნერვიულოლბ!
რა წარამარა საათზე ვიხედები და
რა წარამარა გეძებ თვალებით სულ ყველა მხარეს.
არ გაგივა ეგეთები!

აჰა,მოდიხარ
ქუსლებზე შემდგარი,
ძლივს იკავებ თავს რო არ წაიქცე.
ალბათ გუშინ მთელი ღამე სწავლობდი სიარულს,
მოკლე კაბაც მოგინახია
და ეს ჩვევაც გისწავლია,სიარულის დროს შიგდაშიგ ქვემოთ რომ ქაჩო.
თმას ხელის ერთი მოძრაობით უკან იგდებ და
ისე მიღიმი თითქოს წაქცევას ვაპირებ.
არ გაგივა-მეთქი!
ნუ მედიდები!
ნუ მემეორენახევრები!
ნუ მეთანაცხოვრები
და ნუ მკოცნი
ხელკავს ნუ მიყრი
თავს მხარზე ნუ მადებ
და ნუ მსიამოვნებ!
რა დროს შენი ეგეთებია......
და რაღა დროს ჩემი ეგეთებია.......
ხელს თუ გადაგხვევ იმას არ ნიშნავს თითქოს შემაბი
თუ წამასწარი ფეხზე რომ დაგხედავ
და თუ შემრცხვება
იმას არ ნიშნავს რომ როგორც ქალს ისე გიყურებ
ან თუ შემთხვევით ჩაგეხუტები
და სახესთან სახეს მოგიტან და ცხვირზე გაკოცებ
არ ნიშნავს რომ სხვაგან კოცნა მინდოდა და ვერ გაგიბედე!
კარგი რა,
ეს ყურისძირში კოცნა მაინც ვიღამ გასწავლა?
ან წელზე ხელის მოხვევა?
არ გეცოდები?

ნუ მე-თანაცხოვრები რა
ნუ მე-სხეულები
ნუ მემეორენახევრები........

და ნუ მე
ნუ მემეები რა!
შენი ტოლი გოგოებივით
დაიმორცხვე ნაყინს რომ გიყიდი.
ნუ მეუბნები ერთიც გვეყოფა და რიგრიგობით
ვლოკოთო.
ხო ხედავ მაინც ორს ვყიდულობ
და ერთი....ერთი შემთხვევით მივარდება..............